هذي الروايية لقيتها باحد المنتديات وياريت تعجبكم
الشخصيات :
أماني :بنت طيوبة أذا زعلت زعلت جامد ..بس فرفوشة ..
أروى :بنت شاطرة مرة بس هي دجة مع الشلة أما في الحصة لا ..
فرح :هذي بالمره فاهيه يعني ما تدري وين ربي سارح بها ..
رزان :فرفوشة تحب الدجه واللعب .. شاطره بس ما تحب الدراسة ..
مشاعل :نكتة بس تضحك الفصل وتخليك تضحك لو انت حالف ما تضحك ..
شهد :طيبة وعلى نياتها وقلبها أبيض .. مرة تجنن ..
هنادي :هاذي هي ورنا مثل الثلج والببسي ..ومرة نكتة ..
رنا :هاذي حكاية ثانية تقعد معاها تستهبل وماخذة مبدأ :اذا أردت أن تعيش عليك بالتطنيش ..
( البارت الأول)...
هذولي ساكنين في سكن مدرسي (مدرسه داخلية )ومكونين شلة أسمها (بنات كيوت كارهات البيوت )
رزان وفرح مع بعض في الغرفة معهم أروى ومشاعل (هذا الثنائي يتحالفون على البنات دائماً اللي هم أروى ومشاعل )
اما اماني وشهد ورنا وهنادي هذولي في الغرفة اللي جنبهم .. طبعا ًتلقونهم دائماً مجتمعين في غرفة وسهر وأنواع الدجه ..
ليلة اخر يوم من الأمتحانات كانوا مجتمعين في غرفه رزان وفرح ومشاعل واروى ودار بينهم هذا الحوار :
رزان :بنات بنسافر مع بعض ..
أروى:ايه صح والله لنفلها زي السنه اللي فاتت ..
أماني:بس اخاف أهلنا ما يرضون ..
هنادي:لا ما عليكم اذا من ناحية الاهل فبس طلعوا دموعكم وهم يسمحون ..
رنا :وين نروح ؟!
رزان :بلجيكا ..
فرح :ايه السنة اللي فاتت كنا في إنجلترا هذي السنه بلجيكا ..
شهد :مين يحجز ؟!
أروى تغمز لرزان وتقول :اكيد اخوي عبد الله ..
(للمعلومية :ترى اروى تبغى رزان لعبد الله ..)
رزان : هيه(.. وقامت تناقز..)
مشاعل : خير خير..
رزان استحت بس ما بينت : ولا شئ بس فرحانة اننا بنسافر ..
فرح فاهمه :ايه بس عشان السفر صح ؟!
رزان قامت من القهر لأنهم يطقطقون عليها ..
اماني وهي تجلسها :خلاص عاد اسفين بنسكت والله بس أقعدي ..
رزان وهي تقعد :يله حطوا فلم لبراد بيت ..
أروى وهي تقوم:بروح اجيب معدات السهره ..
رزان قامت :بروح معك ..
فرح:لا تنسين تسألين عن حبيب القلب
(رزان طنشت ومشت هي وأروى وكأنها ماتتكلم ..ابد عمك اصمخ ..)
اما الشله قاعدين يخططون :
اماني :بنسوي فيهم مقلب ..
فرح :ايه عشان تبطل زعل
هنادي :وش نسوي
اماني :هنا المشكله ماني عارفه ايش اسوي ..
مشاعل :عندي فكره عاد انا حريفة بس ابي اروى ..
اماني :هي اللي بنسوي فيها المقلب يالخبله ..
مشاعل :طيب من اللي ينفذ انا عندي الفكره ؟!
فرح :انا بس وش هي ؟!
مشاعل :هممم..
قالت لهم مشاعل المقلب ..
رزان وهي تقعد: احلى ببسي لأحلى شله ..
مشاعل تغمز لفرح يعني أبدأي ..
فرح :رزان حلمت فيك لابسه لبس أسود وشعرك طويل إلين رجلك ..وعلى راسك نجمتين بيضاء .. و في ثوبك ثلاث نجوم وانا عاد ارسلته للشيخ عشان يفسره وطلع انك بتموتين بعد ست ايام ..
رزان قامت تصارخ وتصيح وراحت تصلي وطول الليل وهي تصلي واروى قاعدة عندها وهي تصيح معها ..وهم يضحكون وقاعدين سهرانين ..
اروى شكّت بالوضع :بنات وش القصه ؟!
مشاعل وهي ميته ضحك :تراه مقلب ..
اروى :حرام عليكم المسكينه صدقت قاعدة تصلي وتودعنا ..
فرح :هذا المطلوب انها تصدق ..
اروى :بروح اعلمها ..
اماني :زين لأن احنا مو دارين كيف نقولها ..
هنادي :اي والله شكلها يحزن ..
رنا :خير قاعدة تتسمعين الاراء روحي عجّلي ..
راحت اروى لرزان والبنات على اعصابهم يبغون يعرفون وش صار ؟!
اروى جايه وهي تركض :شفتوا وش صار
رنا :ندري بس علمينا ..
هنادي :كفك ..هههههههههههه..
اروى :تستهبلون والبنت داخت علي ..
هنادي :شمميها عطر ..خخخ ....
اروى تراني صادقه امشوا معي ..
البنات خافوا قالوا يمكن صدق وراحوا معها ومشاعل واماني وفرح من ماشافوا اروى جايه ماقالوا ولا شئ كانوا حاسين ان في شئ خطير المهم يوم دخلوا الغرفه سمعوا صرخه بصوت عالي :صادوه ..
مشاعل راحت لها بسرعه وهي تضمها :كنا خايفين عليك يا دبا..
رزان :ههه تستاهلون مثل ماسويتوا فيني ..
عاد كملوا السهرة رقص وفله ثمن ناموا ..
من بكره الصبح اروى في الغرفه تقوم البنات :بنات يله ..وترفع الغطى عن ذي وتروح لذي وترجع وكل وحده متغطيه مره ثانيه لين ارتفع ضغطها قالت بروح اكلم عبدالله يحجز ..
اروى :يله عبادي تكفى
عبد الله :مالي دخل
اروى :تكفى رزان هي اللي قالت ..
عبد الله (من اول ماسمع اسم رزان فز ):تم تم تم
اروى :رجال ما يجون الا بالعين الحمراء ..
عبد الله :اخلصي متى تبون ..
اروى :اقرب حجز خذه لنا ..
عبد الله :كم عددكم ؟!
اروى : 8 طبعا ..
عبد الله :وانا التاسع ..
اروى تصارخ :بتجي وااو وناسه بقول لرزان
عبد الله :اثقلي بلا هباله تبين شئ والا اسكر
اروى مفتشله :لا مشكور مع السلامة ..
عبد الله :مع السلامه ..
اروى دخلت وهي تناقز :عبد الله حجز وبيروح معنا ..
رزان ما كانت نايمه بس منسدحه ومن يوم ما درت قامت تناقز عالسرير (الاسره دورين )وصقع راسها ..
رزان شوي وتبكي :آآه يا راسي ..
فرح :تستاهلين صكي النور نبي ننوم
رزان بعناد :لو تموتون وبقعد اناقز لين بكرا ..آآه..
مشاعل :لعنبو ذي حتى و هي تعبانه تعاند يلا بس طار النوم خل نروح نفطر ..
اروى :ايه صدق وين نروح ؟!
رزان :خل نروح نقومهم وبعدين نتفق مع بعض
اروى :يلا مشينا ..
وراحوا البنات للغرفه اللي قدامهم اللي فيها باقي الشله ولقوا ما فيها احد ..
فرح :الخاينات راحوا وخلونا ..
رزان :ما علينا منهم والله لنفلهاونخليهم ينقهرون ..
اروى : وين تبون انا بقول لعبد الله وهو يودينا ..
مشاعل :مقهى نبي نفطر ويكون احسن لو ستاربكس ..
رزان :طرار ويتشرط ..
فرح :هههه لقطي لقطي (وتضرب يد رزان بعلامة رضى )
اروى :يلا بس ادق ..
رزان :لا بالله انتظري ..ايه دقي ..
دقت اروى وقال يلا اطلعوا ..ركبوا السيارة :اروى قدام (السياره همر اصفر )ورزان ومشاعل وفرح ورا ..
رزان وهي آخر وحده ركبت :السلام عليكم جميعا ..
اروى :بدري والله ليه طالعه اول وحده؟
مشاعل وفرح كاتمين الضحكه لان اروى مررره معصبة على رزان ..
عبد الله: خير عادي ماصار شئ ..
اروى سكتت تدري ان عبد الله محامي الدفاع ..
وهم بنص الطريق دق جوال رزان :الو ..
اماني :وينكم يالسلنتح ..وين رايحين ؟؟
رزان :حلال عليكم وحرام علينا ..
اماني ما فهمت :يعني وشلون وش قصدك ؟
رزان :لا عاد احلفي يالبريئه رايحين ومخلينا عالصبح انتي والحمير اللي معك وبعدين تقولين ما فهمت ؟
اماني تضحك :ما كنا نايمين بالغرفة اصلا ..
رزان مستغربه :كيف ؟وين نمتوا ؟
اماني :مكيفنا خربان ونمنا بغرفه ثانيه فاضيه ..
رزان :واحنا سيئين الظن حسبناكم رحتوا مكان..
اماني :ما علينا وينكم ؟
رزان :رايحين ستاربكس وما في امل نرجع ..
مشاعل تصفق يوم سمعت كلمة امل لانها تحب ابلا اسمها امل :يهوووووووووووه ..
رزان :اص يا ازعاج بسمع البنت ..ايوه ..
اماني :شلون يعني حنا على ايش نفطر ؟
رزان: الله يخلي الصامولي والجبن ..
اماني زعلت:يلا باي باي ..وما انتظرت رد طبقت على طول ..
رزان تضحك بصوت عالي :دريتوا وش صار ؟
فرح تقلد رنا :ندري بس علمينا ..
رزان :ما كانوا نايمين بالغرفه ..البنات مستغربين وقالت لهم رزان السالفه ..
السبت فبراير 28, 2009 7:10 am